Direktor: Jeffrey Jeturian
Tila hindi na makakaahon sa kahirapan ng buhay ang kubrador sa huweteng na si Amy (Gina Pareno). Katatapos pa lamang sa kolehiyo ng kanyang anak na lalaki nang ito'y bawian ng buhay; ang kanyang anak na babae naman ay nag-asawa ng isang walang-silbi kaya't sa kanya pa rin nakasandig upang makaraos sa bawa't araw. Habang tumatao sa kanilang tindahan ang kanyang asawang si Eli (Fons Deza), nangungubra naman ng mga taya sa huweteng si Amy. Kapag may tumama lamang sa mga tumaya sa kanya siya kumikita---"naaambunan" ng grasya, nababalatuhan, kaya't para ding sugal ang kanyang hanap-buhay---suwerte-suwerte lang. Bagama't nagkakaedad na, masipag at matiyaga pa rin si Amy sa kanyang gawain, marunong makipag-kapwa, madasalin, at nakakakita pa ng panahong tumulong sa mga namamatayan. Dumating ang mabigat na problem kay Amy nang may isang tumaya sa huweteng nguni't ipinaabot lamang nito kay Eli ang kanyang taya. Nalimutang ibigay ni Eli kay Amy ang taya kaya't hindi ito napasama sa listahan. Tukso naman ng tadhana, tumama ito, kaya't gigil na gigil man ito sa katangahan ng asawa, obligado si Amy na bayaran ang premyong salapi ng tumaya.
Banayad ngunit tumitiim ang mensahe ng Kubrador: na ang huweteng ay isang kasamaang nakaugat na hindi lamang sa lipunan kungdi lalo't higit sa kaibuturan ng isip ng mga naglalaro o nasasangkot dito. Sa pamamagitan ng paglalahad sa buhay ng isang kubrador, sinasalamin ng Kubrador ang tunay na nangyayari sa likuran ng huwetengan: ang pag-aayos ng numerong patatamain sa bolahan; ang pangungurakot ng ilang nasa kapangyarihan upang kumita mula sa mga taya sa huweteng; ang pakikinabang ng ilang parokya sa grasyang abuloy ng nagpapahuweteng; ang tapat bagama't naliligaw na pag-asa sa "suwerte" ng mga tumataya at mga kubrador. Ang lakas ng pelikula upang labanan ang salot ng huweteng ay nasa pagsasaad ng katotohanan---hindi ito sumisigaw ng "Puksain ang huweteng!" ngunit sa pagpapakita ng katotohanan tungkol sa huweteng, iginagalang nito ang katalinuhan ng manunuod. Kung panonoorin ninyo ang Kubrador, kailangan ay masusing panoorin ito lalo na nating mga Kristiyano, sapagka't hindi mapupuksa ang huweteng kung hindi makikita ang tunay na sanhi nito. Ang huweteng ay sintomas lamang ng isang malalim na sakit ng tao, ng dinaramdam ng buong sambayanang Pilipino?ang magkakambal na kahirapan at kamangmangan na nag-uugat sa pagiging ganid at tamad natin, sa taliwas nating pang-unawa sa relihiyon, at sa ating maling pakikipag-ugnayan sa tinatawag nating Diyos.
Tila hindi na makakaahon sa kahirapan ng buhay ang kubrador sa huweteng na si Amy (Gina Pareno). Katatapos pa lamang sa kolehiyo ng kanyang anak na lalaki nang ito'y bawian ng buhay; ang kanyang anak na babae naman ay nag-asawa ng isang walang-silbi kaya't sa kanya pa rin nakasandig upang makaraos sa bawa't araw. Habang tumatao sa kanilang tindahan ang kanyang asawang si Eli (Fons Deza), nangungubra naman ng mga taya sa huweteng si Amy. Kapag may tumama lamang sa mga tumaya sa kanya siya kumikita---"naaambunan" ng grasya, nababalatuhan, kaya't para ding sugal ang kanyang hanap-buhay---suwerte-suwerte lang. Bagama't nagkakaedad na, masipag at matiyaga pa rin si Amy sa kanyang gawain, marunong makipag-kapwa, madasalin, at nakakakita pa ng panahong tumulong sa mga namamatayan. Dumating ang mabigat na problem kay Amy nang may isang tumaya sa huweteng nguni't ipinaabot lamang nito kay Eli ang kanyang taya. Nalimutang ibigay ni Eli kay Amy ang taya kaya't hindi ito napasama sa listahan. Tukso naman ng tadhana, tumama ito, kaya't gigil na gigil man ito sa katangahan ng asawa, obligado si Amy na bayaran ang premyong salapi ng tumaya.
Banayad ngunit tumitiim ang mensahe ng Kubrador: na ang huweteng ay isang kasamaang nakaugat na hindi lamang sa lipunan kungdi lalo't higit sa kaibuturan ng isip ng mga naglalaro o nasasangkot dito. Sa pamamagitan ng paglalahad sa buhay ng isang kubrador, sinasalamin ng Kubrador ang tunay na nangyayari sa likuran ng huwetengan: ang pag-aayos ng numerong patatamain sa bolahan; ang pangungurakot ng ilang nasa kapangyarihan upang kumita mula sa mga taya sa huweteng; ang pakikinabang ng ilang parokya sa grasyang abuloy ng nagpapahuweteng; ang tapat bagama't naliligaw na pag-asa sa "suwerte" ng mga tumataya at mga kubrador. Ang lakas ng pelikula upang labanan ang salot ng huweteng ay nasa pagsasaad ng katotohanan---hindi ito sumisigaw ng "Puksain ang huweteng!" ngunit sa pagpapakita ng katotohanan tungkol sa huweteng, iginagalang nito ang katalinuhan ng manunuod. Kung panonoorin ninyo ang Kubrador, kailangan ay masusing panoorin ito lalo na nating mga Kristiyano, sapagka't hindi mapupuksa ang huweteng kung hindi makikita ang tunay na sanhi nito. Ang huweteng ay sintomas lamang ng isang malalim na sakit ng tao, ng dinaramdam ng buong sambayanang Pilipino?ang magkakambal na kahirapan at kamangmangan na nag-uugat sa pagiging ganid at tamad natin, sa taliwas nating pang-unawa sa relihiyon, at sa ating maling pakikipag-ugnayan sa tinatawag nating Diyos.
-Elpidio Azarcon IV
