… Kaibigan mo

ni: Gazelle Garcia

Sa oras ng kasiyahan
Sa oras ng pangangailangan
Pati sa oras ng kalokohan
Asahan mo, kaibigan mo

Pag ika'y walang karamay
Sa pagbuhos ng iyong mga problema
Na nagdadala ng kalungkutan
Karamay mo, kaibigan mo

Sa panahon ng kagipitan
Pati sa iyong mga kahinaan
Sa oras na kailangan mo ng saklolo
Kaakibat mo, kaibigan mo

Sa mga trip niyo sa klase
Sa mga harutan at tawanan
Sa asaran at kulitan
Kasama mo, kaibigan mo

Asahan mo sa iyong pag-iisa
Karamay sa iyong kadalamhatian
Kaakibat sa iyong mga suliranin
Iyong kasama, magpakailanman

Maaasahan, iyong karamay
Iyong kaakibat, iyong kasama
Iyong kayamanan…
‘Yan ang kaibigan!